Na biblioteca da EOI de Lugo xa é tradición que, chegando o mes de decembro, escollamos libros para convidar ao alumnado a unha cita a cegas con eles. Nesta cuarta edición do concurso mantemos o formato. Para participar, tan só tes que levar prestado algún dos libros envoltos en papel de xornal que hai sobre unha das mesas da biblioteca, clasificados por lingua e nivel, e despois da súa lectura compartir a túa impresión a través dun formulario que atoparás na Aula Virtual. Se completas este último paso, entrarás no sorteo dun xantar ou dunha cea para dúas persoas nun restaurante de Lugo.

Podes realizar préstamos de libros para a cita a cegas ata o 21 de decembro (incluído). O formulario para compartir a túa impresión estará dispoñible na Aula Virtual ata o 14 de xaneiro (incluído). Como estudante, dentro da Aula Virtual terás un espazo co nome “Biblioteca”. Se accedes, atoparás formularios nas distintas linguas que se ensinan na EOI de Lugo. Completa o formulario que corresponda coa lingua do teu libro.