Este xoves, 25 de abril, teremos unha charla informativa na biblioteca da EOI ás 18:30 sobre as necesidades dos animais acollidos nas instalacións da Sociedade de Animais e Plantas de Lugo. Será impartida por Elena Guinarte, veterinaria e vicepresidenta desta asociación, quen nos achegará á realidade destes animais abandonados e nos explicará como podemos contribuír a mellorar as súas condicións de vida.
Lembrade que o noso mercado solidario de libros, CD e DVD continuará aberto ata o 24 de maio e que nesta edición, cos cartos recadados, colaboraremos coa protectora❤️.