O chinés é unha das linguas máis faladas do mundo. Porén, non existen demasiados recursos dixitais para estudantes que teñan o galego ou o castelán como linguas maternas. A maioría dos recursos dixitais están en inglés e requiren do coñecemento previo deste idioma. Por outra banda, para acceder a contidos orixinais creados no ecosistema dixital chinés, a miúdo é necesario dispoñer dun servizo de conexión VPN porque a súa distribución está restrinxida xeograficamente.