A próxima semana realizaremos préstamos de verán para que poidas ler ou ver filmes na túa lingua de estudo durante as vacacións. As condicións do préstamo son as habituais: o alumnado da EOI de Lugo poderá levar prestados tres materiais do catálogo da biblioteca e devolvelos no mes de setembro. Para realizar préstamos de verán é imprescindible ter devoltos todos os libros, DVD ou publicacións periódicas que se levaron prestados durante o curso.

Entre os días 20 e 24 de maio, a biblioteca da EOI de Lugo terá un horario especial de apertura e atención ao público porque xa non hai clases e estamos en período de exames. Durante esas horas tramitaremos os préstamos de verán e manteremos aberto o mercado solidario de libros, CD e DVD para que a comunidade educativa poida seguir colaborando coa Sociedade Protectora de Animais e Plantas de Lugo, que é a entidade social beneficiaria da recadación deste ano. As persoas que o dexesen tamén poden empregar a biblioteca como espazo de estudo, aínda que para esta finalidade xa está habilitada a aula 7.